Onenex

Onenex သည် ဆော့ဖ်ဝဲများ နှင့် ဒစ်ဂျစ်တယ် ထုတ်ကုန်များကို လှပသေသပ်စွာဖြင့် အစမှအဆုံး ဖန်တီး ရေးဆွဲပေးသည့် နည်းပညာ ကုမ္ပဏီ ဖြစ်ပါသည်။ 

ကျွန်တော်တို့ ကုမ္ပဏီသည်လိုအပ်ချက်နှင့် ဖန်တီးမှု ကိုက်ညီအောင် စူးစမ်းရှာဖွေပေးခြင်း၊ လိုက်ဖက်တဲ့ အမည် နှင့် အမှတ်တံဆိပ် များ ရွေးချယ် ဖန်တီးပေးခြင်း၊ အသုံးပြုသူ လက်ထဲရောက်သည်အထိ တာဝန်ယူ ဆောင်ရွက်ပေးခြင်း နှင့် နောက်ပိုင်း နည်းပညာ ပံ့ပိုးကူညီမှုများကိုပါ ဆောင်ရွက်ပေးပါသည်။ လက်ရှိ တွင် ဆော့ဖ်ဝဲပညာရှင်များ၊ ဒီဇိုင်းရေးဆွဲသူများ နှင့် အခြား နည်းပညာရှင်များ အပါအဝင် စုစုပေါင်း အယောက် ၈၀ ကျော်ဖြင့် နည်းပညာထုတ်ကုန်များ၊ မိုဘိုင်းအပလီကေရှင်းများ၊ လုပ်ငန်းသုံး ဆော့ဖ်ဝဲများ နှင့် ဝက်ဘ်ဆိုဒ် များ  ကို ဖန်တီး ရေးဆွဲပြီး လုပ်ငန်းလည်ပတ် ဆောင်ရွက်လျှက်ရှိပါသည်။ 

လုံခြုံစိတ်ချရပြီး ပိုမိုကောင်းမွန်တဲ့ ကျန်းမာရေးစောင့်ရှောက်မှု့တွေ ပေးနိုင်ဖို့ ပန်းလှိုင် ဆေးရုံရဲ့ “Heal” အပလီကေးရှင်း (Onenex မှ ဖန်တီးရေးဆွဲပေးပါသည်) 

ပန်းလှိုင်ဆေးရုံသည် မြန်မာနိုင်ငံမှာ အကြီးဆုံး ပုဂ္ဂလိကဆေးရုံများထဲမှ တစ်ခုဖြစ်ပါသည်။ ပန်းလှိုင်ဆေးရုံအနေနဲ့ လက်ရှိမှာ လူနာ၊ ဆေးရုံ၊ ဆေးခန်းတွေနဲ့ ဆေးဆိုင်တွေ အများစုကြားမှာ လိုအပ်တဲ့ အရင်းအမြစ်တွေ နဲ့ နည်းပညာ ဆိုင်ရာ ထောက်ပံ့သုံးစွဲမှု့တွေ လိုအပ်နေတဲ့ အခြေအနေကို ကောင်းစွာ နားလည် သဘောပေါက်ထားပါသည်။ ဒါ့ကြောင့် မြန်မာနိုင်ငံသား အားလုံးအတွက် ပိုမိုကောင်းမွန်တဲ့ ကျန်းမာရေးဝန်ဆောင်မှုများကို အဆင်ပြေလွယ်ကူစွာ ဆောင်ကျဉ်းပေးမယ့် နည်းပညာ အထောက်အကူပြု ဝန်ဆောင်မှု့ တစ်ခု ဖြစ်တဲ့ Tele Health platform application တစ်ခုကို မိတ်ဆက်ပေးဖို့ ရည်ရွယ်ပါတယ်။ 

ပန်းလှိုင်ဆေးရုံရဲ့ Heal application ကို iOS နှင့် Android ဖုန်းများအတွက် customer များ အလွယ်တကူ အသုံးပြုနိုင်အောင် ရေးဆွဲ ပေးခဲ့ပါတယ်။ customer or patient များဟာ app ပေါ်မှာပဲ ဆရာဝန်များ နှင့် အထူးကုများကို ရှာဖွေကြည့်ရှုနိုင်ခြင်း၊ ဆေးခန်းပြဖို့ ရက်ချိန်းယူနိုင်ခြင်း၊ online ပေါ်မှာပဲ video call ခေါ်ပြီး ဆရာဝန် သို့မဟုတ် အထူးကုများဖြင့် ကျန်းမာရေးကိစ္စဆွေးနွေးနိုင်ခြင်း၊ မိမိအတွက် လိုအပ်သော ဆေးဝါးများပါ အိမ်အရောက်ပို့ စနစ်ဖြင့် အော်ဒါမှာနိုင်ခြင်း စတဲ့ လုပ်ဆောင်ချက်များကို အသုံးပြုနိုင်ပါတယ်။ တစ်ဖက်မှာလည်း ဆရာဝန်များ၊ ဆေးရုံဝန်ထမ်းများနှင့် စီမံအုပ်ချုပ်သူများ အတွက် လွယ်ကူလျှင်မြန်စွာ အသုံးပြုနိုင်ဖို့ Web Application များကိုလည်း ဖန်တီးရေးဆွဲပေးခဲ့ပါတယ်။ ဆရာဝန်များအနေနဲ့ customer or patient များနဲ့ online ပေါ် app ထဲမှာပဲ ကျန်းမာရေးစောင့်ရှောက်မှုပေးနိုင်ခြင်း လူနာရဲ့ ယခင် ကျန်းမာရေး အချက်အလက်များကို EMR စနစ် မှ တိုက်ရိုက် တန်းကြည့်နိုင်ခြင်း၊ ဆေးစာများရေးပေးနိုင်ခြင်း စတဲ့ လုပ်ဆောင်ချက်တွေကို လွယ်ကူစွာ အသုံးပြုနိုင်ပါတယ်။ တစ်နိုင်ငံလုံးမှာရှိတဲ့ ပန်းလှိုင်ဆေးရုံများရဲ့ လူနာ ဆေးမှတ်တမ်းများကိုလည်း ဆရာဝန် အနေဖြင့် အလွယ်တကူကြည့်ရှိနိုင်ပါတယ်။ 

နည်းပညာ အခြေပြု အွန်လိုင်း ကျန်းမာရေးစောင့်ရှောက်မှု့ platform တစ်ခုကို တည်ဆောက်ပေးခဲ့ခြင်းရဲ့ အကျိုးရလဒ်အနေနဲ့ကတော့ ဆရာဝန်၊ လူနာ နှင့် ဆေးရုံ တို့ကြားမှာ အဆင်ပြေ လွယ်ကူ အချိန်ကုန် သက်သာမှု ကို ဖြစ်စေခဲ့တာ အထင်အရှားပါပဲ။ ၄ လခွဲကြာကာလအတွင်းမှာ အသုံးပြုလို့ရအောင် ဖန်တီးခဲ့အပြီးမှာတော့ Heal app ကို customer တွေလက်ထဲ အရောက်ပို့နိုင်ခဲ့ပါတယ်။ ၃ ပတ်အတွင်းမှာပဲ အသုံးပြုသူ ၉၀၀၀ ကျော် အထိ ရောက်လာခဲ့ပါတယ်။