ဝန်ထမ်းများအတွက် လူမှုကွန်ရက်မူဝါဒ

လူမှုကွန်ရက်များပေါ်တွင် မိမိတင်မည့် ပို့စ်သည် မိမိ၏ ဂုဏ်သိက္ခာ (သို့) အခြားသူများကို ထိခိုက်နစ်နာစေခြင်း (သို့) ကုမ္ပဏီ၏ ဂုဏ်သတင်းကို ထိခိုက်စေခြင်း မရှိစေရန် ပို့စ်၊ ဓာတ်ပုံ နှင့် ဗီဒီယိုများ မတင်မီတွင် သေချာပြန်စဉ်းစားသင့်ပါသည်။

ရိုင်းပြသော၊ ဆဲဆိုသော၊ ကြမ်းတမ်းသော၊ တစ်ပါးသူအား နှောက်ယှက်သော ပို့စ်၊ကွန့်မန့်များနှင့် အမုန်းစကားများသည် အခြားသူများနှင့် လုပ်ငန်းစုအပေါ် သက်ရောက်မှုရှိနိုင်သည်သာမက မိမိ၏ ဂုဏ်သိက္ခာကိုလည်း ကျဆင်းစေသဖြင့် လုံးဝရှောင်ကြဉ်ရပါမည်။

လူမှုကွန်ရက်များပေါ်တွင် မိမိတင်မည့် ပို့စ်သည် မိမိ၏ ဂုဏ်သိက္ခာ (သို့) အခြားသူများကို ထိခိုက်နစ်နာစေခြင်း (သို့) ကုမ္ပဏီ၏ ဂုဏ်သတင်းကို ထိခိုက်စေခြင်း မရှိစေရန် ပို့စ်၊ ဓာတ်ပုံ နှင့် ဗီဒီယိုများ မတင်မီတွင် သေချာပြန်စဉ်းစားသင့်ပါသည်။

လိင်ပိုင်းဆိုင်ရာ အသားပေးသည့် ပို့စ်များ၊ ဓာတ်ပုံ၊ ဗီဒီယိုနှင့် ကွန့်မန့်များ၊ လူမျိုးရေး၊ ဘာသာရေး ခွဲခြားခြင်း၊ အခြားလူမျိုးဘာသာများကို ကဲ့ရဲ့ရှုံ့ချသည့် ပို့စ်များ၊ ဗီဒီယို ဓာတ်ပုံများတင်ခြင်းများမှ လုံးဝရှောင်ကြဉ်ရပါမည်။

လူမှုကွန်ရက်များပေါ်တွင် မိမိတင်မည့် ပို့စ်သည် မိမိ၏ ဂုဏ်သိက္ခာ (သို့) အခြားသူများကို ထိခိုက်နစ်နာစေခြင်း (သို့) ကုမ္ပဏီ၏ ဂုဏ်သတင်းကို ထိခိုက်စေခြင်း မရှိစေရန် ပို့စ်၊ ဓာတ်ပုံ နှင့် ဗီဒီယိုများ မတင်မီတွင် သေချာပြန်စဉ်းစားသင့်ပါသည်။

လုပ်ငန်းခွင်၏ စည်းကမ်းထိန်းချုပ်မှုများကို အားနည်းပျက်စီးစေပြီး လုပ်ငန်းခွင်ကို အနှောက်အယှက်ဖြစ်စေခြင်း၊ လုပ်ငန်းခွင်တွင် အလုပ်ဆက်ဆံရေးနှင့် လုပ်ဖော်ကိုင်ဖက်အချင်းချင်း အမုန်းပွားစေခြင်း၊ သူတစ်ပါး၏ လုပ်ကိုင်ရည်အပေါ် ဝင်ရောက်စွက်ဖက်စေခြင်းနှင့် လုပ်ငန်းလုပ်ဆောင်မှုအပေါ် နှောက်ယှက်မှုဖြစ်စေသည့် ပို့စ်၊ ဓာတ်ပုံ၊ ဗီဒီယိုနှင့် ကွန့်မန့်တင်ခြင်းများကို လုံးဝရှောင်ကြဉ်ရပါမည်။

လုပ်ငန်းစုအတွင်း မိမိတို့၏ လုပ်ငန်းတာဝန်ရာထူးကို အထင်လွဲမှားစေနိုင်သည့် ပို့စ်များ၊ ဓာတ်ပုံ၊ ဗီဒီယိုများတင်ခြင်းနှင့် ကွန့်မန့်များရေးသားခြင်းကို လုံးဝ ရှောင်ကြဉ်ရပါမည်။ မိမိတို့ ကိုယ်ပိုင်သုံး လူမှုကွန်ရက်ပေါ်ရှိ လုပ်ငန်းဆိုင်ရာ ရေးသားဖော်ပြချက်များသည် မိမိ၏ ကိုယ်ပိုင် အတွေးအခေါ်ယူဆချက်များကိုသာ ရေးသားဖော်ပြရပြီး ကုမ္ပဏီအတွက် ကိုယ်စားပြုရေးသားခြင်းများကို လုံးဝ မပြုလုပ်ရပါ။ဝန်ထမ်းများသည် ကိုယ်ပိုင်ထင်မြင်ယူဆချက်များအား ရေးသားဖော်ပြထားသည်များကို ကုမ္ပဏီမှ ထောက်ခံခွင့်ပြုထားသည့် ပုံစံမျိုး၊ ကုမ္ပဏီအား ကိုယ်စားပြုနေသည့် ပုံစံမျိုး ရေးသားခြင်းမှ လုံးဝ ရှောင်ကြဉ်ရပါမည်။

Yoma Group တွင် ဝန်ထမ်းများ၏ ဘေးကင်းလုံခြုံရေးသည် လုပ်ငန်းစုအတွက် နံပါတ် ၁ ဦးစားပေးဖြစ်သည့်အတွက် မိမိနှင့် မိမိလုပ်ဖော်ကိုင်ဖက်သာမက အခြားသူများ၏ ကိုယ်ရေးကိုယ်တာ အချက်အလက်များနှင့် အခြား လျှို့ဝှက်ထားရှိရမည့် အကြောင်းအရာများကို လူမှုကွန်ရက်များပေါ်တွင် တိုက်ရိုက်ဖြစ်စေ၊ သွယ်ဝိုက်၍ဖြစ်စေ ရေးသားဖော်ပြခြင်းများကို ရှောင်ကြဉ်ရပါမည်။

Yoma Connect နှင့် Workplace တို့သည် လုပ်ငန်းတွင်း အချင်းချင်းချိတ်ဆက်မှု ရှိနေစေရန် ရည်ရွယ်ချက်ဖြင့် ထားရှိပေးထားခြင်းဖြစ်ပါသည်။ ထို့ကြောင့် Yoma Connect နှင့် Workplace တွင် မျှဝေဖော်ပြထားသည့် အကြောင်းအရာများ၊ တိုက်ရိုက်ထုတ်လွှင့်နေမှု အစီအစဉ်များကို HR နှင့် သက်ဆိုင်ရာ တာဝန်ရှိသူ၏ ခွင့်ပြုချက်မရှိဘဲ မိမိတို့၏ ကိုယ်ပိုင် လူမှုကွန်ရက်ပေါ်တွင် ပြန်လည်မျှဝေခြင်းများ (သို့) ပြန်လည် ရေးသားဖော်ပြခြင်းများကို လုံးဝ ရှောင်ကြဉ်ရပါမည်။

လျှို့ဝှက်ထားရှိရမည့် အရာများအတွက် ထားရှိသည့် မူဝါဒနှင့် ဥပဒေများကို လိုက်နာရပါမည်။ Intellectual Property များဖြစ်သည့် ကုန်အမှတ်တံဆိပ်များကို ကိုယ်ပိုင်လူမှုကွန်ရက်အကောင့်တွင် အများနှင့် မျှဝေခြင်းများကို လုံးဝ ရှောင်ကြဉ်ရပါမည်။

လုပ်ငန်းစု၏ ပြန်ကြားရေးဌာန (Group Communications) နှင့် သက်ဆိုင်ရာ Marketing နှင့် Communications အဖွဲ့များ၏ ခွင့်ပြုချက် မရရှိဘဲ လုပ်ငန်းစုနှင့် လုပ်ငန်းစုအောက်ရှိ လုပ်ငန်းဌာန၊ ကုမ္ပဏီများ၏ ကုန်အမှတ်တံဆိပ်များအား အသုံးပြုခြင်းကို လုံးဝ မပြုလုပ်ရပါ။

ယနေ့ခေတ်အခါတွင် လူမှုကွန်ရက်ပေါ်ရှိ သတင်းမီဒီယာများမှာ တင်ထားသော သတင်းအချက်အလက်တိုင်းသည် မှန်ကန်မှု မရှိသည်ကို ကျွန်ုပ်တို့အားလုံး သတိမူရန်လိုအပ်ပါသည်။ သတင်းအမှားတွေသည် လူတွေ၏ တွေးခေါ်ယူဆပုံ၊ ထင်မြင်ချက်တွေကို ပြောင်းလဲစေပြီး ငြိမ်းချမ်းရေး၊ လူမှုရေး နှင့် စီးပွားရေးတွေကို ထိခိုက်နိုင်စေသဖြင့် သတင်းအမှားများ၏ အန္တရာယ်သည် အလွန်ကြီးမားပါသည်။

မမှန်ကန်သော သတင်းအမှားတွေကို ပြန်မျှ‌ဝေမိပါက မိမိကိုယ်တိုင်မှ မကောင်းမှုကို အားပေးကူညီပေးနေသကဲ့သို့ ဖြစ်နေတတ်ပါသည်။ ထို့ကြောင့် သတင်းအကြောင်းအရာ၊ အချက်အလက်တွေ၏ အမှား၊အမှန်ကို သေချာဝေဖန်ပိုင်းခြားနိုင်ခြင်းမရှိပါက ထိုအကြောင်းအရာများကို ပြန်လည်ပို့စ်တင် ရှဲခြင်းများကို ရှောင်ကြဉ်ရပါမည်။

Yoma Group ရှိဝန်ထမ်းများအနေဖြင့် လူမှုကွန်ရက်တွင် ရှောင်ကြဉ်ရမည့် အချက်များကို ရှေ့ရက်များတွင် ဖော်ပြပြီးဖြစ်ပါသည်။ သို့ရာတွင် ဝန်ထမ်းများအနေဖြင့် လူမှုကွန်ယက်စာမျက်နှာ တစ်ခုခုတွင် တင်ရှိထားသည့် အကြောင်းအရာ၊ ပို့စ်များသည် မူဝါဒကို လိုက်နာမှု မရှိခြင်း (သို့) မသင့်လျော်ပါက အဆိုပါ အကြောင်းအရာ၊ ပို့စ်များကို ချက်ချင်း အပြီးဖျက်ပေးရန် ရိုးမအုပ်စုမှ ဝန်ထမ်းအား ညွှန်ကြားစေနိုင်ပါသည်။

ဝန်ထမ်းတိုင်းသည် လူမှုကွန်ရက်ပေါ်ရှိ မိမိတို့၏ ပြုမူလုပ်ဆောင်မှုများအတွက် အကျိုးဆက်ကို ခံကြရမည်ဖြစ်ပါသည်။ စည်းကမ်းဖောက်ဖျက်ခြင်း၏ ကိစ္စရပ် တစ်ခုချင်းစီအပေါ်မူတည်၍ လိုအပ်သလို အရေးယူခံရမှာဖြစ်ပါသည်။

ဝန်ထမ်းများ၏ တာဝန်ဝတ္တရားသည် လူမှုကွန်ရက်စာမျက်နှာများတွင် ကောင်းမွန်စွာပြုမူနေထိုင်ရန်သာမက အခြားသူများ တင်ရှိထားသည့် မသင့်လျော်သော ပို့စ်များနှင့် ပြုမူဆက်ဆံမှုများကို တွေ့ရှိပါကလည်း မိမိလုပ်ငန်းဌာန အကြီးအကဲ (သို့) လုပ်ငန်းစု၏ ပြန်ကြားရေးဌာန (Group Communications) ထံ အကြောင်းကြားရန် လိုအပ်ပါသည်။