Covid-19 (၂၀၂၀ ခုနှစ်၊ မတ်လ ၂၈ ရက်နေ့ ထုတ်ပြန်ချက်)

မြန်မာနိုင်ငံတွင် ၅ ရက်အတွင်း ကူးစက်ခံရသူ ၈ ဦးအထိ ရှိလာပြီဖြစ်ပါသည်။ လူ့အဖွဲ့အစည်း အကုန်လုံးတွင် စိုးရိမ်ပူပန်မှုများ ဖြစ်နေပြီး အစိုးရမှ ပိတ်ချမှုတွေရှိလာတော့မည်ဆိုသော ကောလဟာလတွေလည်း ထွက်ပေါ်လျက်ရှိပါသည်။

လုပ်ဆောင်ခဲ့သည်များ

==========

လုပ်ငန်းစုမှ လုပ်ဆောင်ခဲ့သည်များကို အကျဉ်းကျုံးဖော်ပြအပ်ပါသည်။

– ခရီးသွားမှုများကို ကန့်သတ်ထားခြင်း

– ပြည်တွင်း၊ ပြည်ပ ခရီးသွားလာမှုများကို မှတ်တမ်းတင်ထားနိုင်ရန် ကြိုတင်အသိပေး အကြောင်းကြားစေခြင်း

– AskDR သို့ ကျန်းမာရေးဆိုင်ရာ မေးခွန်းများ မေးမြန်းနိုင်ခြင်း

– လုပ်ငန်းဌာနတိုင်းများအားလုံးတွင်  စီးပွားရေးဆက်လက် ရပ်တည်လည်ပတ်နိုင်ရန် အစီအစဉ်များ အသင့်ရှိခြင်း

– ရောဂါကူးစက်ခံရလွယ်သည့် ဝန်ထမ်းများကို နေအိမ်တွင် အလုပ်လုပ်စေပြီး အခြားဝန်ထမ်းများကိုလည်း အလှည့်ကျ အိမ်မှာနေ၍ အလုပ်လုပ်စေခြင်း

– စားသောက်ကုန်နှင့် အခြေခံကုန်ပစ္စည်းများကို Campus ဈေးတွင် ရောင်းချပေးခြင်း။ အခြားနေရာများတွင်လည်း ရောင်းချပေးသွားရန်ရှိခြင်း

– ဝန်ထမ်းများအတွက် အရေးပေါ် ချေးငွေများ ထုတ်ချေးပေးခြင်း

– ရောဂါရှိသူဖြင့် ထိတွေ့ဆက်ဆံခဲ့သူများနှင့် တစ်ဆင့် ထိတွေ့ဆက်ဆံသူများရှိလာပါက အဆင့်ဆင့်ထိတွေဆက်ဆံမှုများအတွက် လုပ်ဆောင်ရမည့် လုပ်ငန်းစဉ်များ အသင့်ရှိခြင်း

ဘောနပ်စ်ကြိုပေးခြင်း

=========

သင်္ကြန်ရောက်ရန် နီးစပ်လာပြီဖြစ်သည့်အတွက် သင်္ကြန်ဘောနပ်စ်များကို မတ်လ ၃၁ ရက်နေ့တွင် ပေးသွားမည်ဖြစ်ပါသည်။ သင်္ကြန်မတိုင်မီ ကြိုခွင့်ယူပြီး မွေးရပ်မြို့သို့ စောပြန်လိုသူများ မိမိတို့၏ မန်နေဂျာများနှင့် တိုင်ပင်ဆွေးနွေးပါ။ သင်္ကြန်ဘောနပ်စ် စောစီးစွာပေးခြင်းဖြင့် ဝန်ထမ်းများသည် လိုအပ်သည်များကို ကြိုတင်စီစဉ်နိုင်မည်ဟု မျှော်လင့်ပါသည်။

ရောဂါရှိသူနှင့် ထိတွေ့ သူများကို စီစစ်ခြင်း

============

ကျွန်တော်တို့၏ အချို့ဝန်ထမ်းများသည် Covid-19 ရောဂါရှိသူဖြင့် ထိတွေ့ဆက်ဆံခဲ့သူနှင့် တစ်ဆင့် ထိတွေ့ဆက်ဆံခဲ့သည့် ဖြစ်ရပ်များ ရှိနေပါသည်။ CCC အဖွဲ့နှင့် ကျွန်တော်တို့ ကိစ္စတစ်ခုချင်းစီအတွက် စုံစမ်းစစ်ဆေးမှုများ ပြုလုပ်လျက် လိုအပ်သည်များကို လုပ်ဆောင်လျက်ရှိပါသည်။ အချို့ဝန်ထမ်းများသည် အစိုးရ၏ သီးသန့်နေရန် စီစဉ်ထားရှိသည့်နေရာများတွင် စောင့်ကြည့်ခံလျက်ရှိပါသည်။ အချို့ဝန်ထမ်းများမှာ အိမ်တွင် သီးသန့်နေထိုင်လျက် ရှိပါသည်။ ထိုသို့ပြုလုပ်ခြင်းဖြင့် ထပ်မံထိတွေ့ဆက်ဆံခြင်းများကို တားဆီးနိုင်မည်ဖြစ်ပါသည်။

ကောလဟာလများသည် မှန်ကန်မှုမရှိပါ။ ဝန်ထမ်းများအားလုံး၏ ဘေးကင်းလုံခြုံရေးသည် အရေးကြီးဆုံးဖြစ်သည်ကို အားလုံးကို သိစေချင်ပါသည်။ အခြေအနေကို သေချာ စောင့်ကြည့်ပြီး အလုပ်ခွင်ကို ဘေးကင်းရှင်းအောင် အစွမ်းကုန် လုပ်ဆောင်သွားမည်ဖြစ်ပါသည်။

ကျေးဇူးအထူးတင်ရှိခြင်း

========

စီစဉ်ဆောင်ရွက်မှုများအတွက် မနားမနေ အလုပ်လုပ်နေကြသည့် ကျွန်တော်တို့၏ အဖွဲ့သားများကို အထူးပင် ကျေးဇူးတင်ရှိပါသည်။ ဒီအပတ်တွင်း Dr Gershu Paul ၊ Martin Appel ၊ Philipp Hoffmann ၊ Valentina Lwin Bailey ၊ Katie Michel တို့ဖြင့် အကြိမ်ပေါင်းများစွာ ဖုန်းပြောဆိုမှုများပြုလုပ်ကာ လာမည့်အပတ်များအတွက် ကြိုတင်ပြင်ဆင်မှုများကို ဆောင်ရွက်လျက်ရှိပါသည်။ ကျွန်တော်တို့ အိမ်ရာဝန်းအတွင်း နေထိုင်သူများအား ကာကွယ်ရန် လိုအပ်သည့် လုပ်ငန်းစဉ်များကို Yoma Land အဖွဲ့သားများမှ သီးသန့် စီစဉ်လျက်ရှိပါသည်။ Campus ဈေး တိုးချဲ့မှုအတွက် နောက်အပတ်တွင် Metro ဖြင့် တိုးမြှင့်လုပ်ဆောင်သွားမည်ဖြစ်ပါသည်။ အထူးသဖြင့် ပန်းလှိုင်ဆေးရုံအဖွဲ့သားများသည် ပြီးခဲ့သည့် အပတ်များကတည်းမှစ၍ အဆိုးဆုံးအခြေအနေ ရောက်ရှိလာချိန်တွင် ဝန်ထမ်းများနှင့် လူ့အဖွဲ့အစည်းကို ကာကွယ်ရန် အရေးပေါ်အစီအစဉ်များကို အစွမ်းကုန်ပြင်ဆင်လုပ်ဆောင်လျက်ရှိသည်။ ယခုလို ကြိုးစားအားထုတ်မှုများအတွက် လှိုက်လှဲစွာ ကျေးဇူးတင်ကြောင်း ကျွန်တော် ထပ်မံပြောကြားလိုပါသည်။ ကျွန်တော်တို့အတူ ပူးပေါင်းဆောင်ရွက်ပြီး ယခုကပ်ဘေးကို ကျော်လွှားကြရမှာ ဖြစ်ပါသည်။

Chief Executive Officer
Melvyn Pun