မေလ ၁၈ ရက် – ရုံးပြန်တက်ခြင်း

မေလ ၁၈ ရက် အပတ်မှစပြီး ရုံးပြန်တက်မည့် ဝန်ထမ်းများ၏ ဘေးကင်းလုံခြုံရေးနှင့် ကျန်းမာရေးအတွက် ရုံးသို့လာရောက်ရန် နည်းလမ်း ၂ မျိုး စီစဉ်ထားရှိပါသည်။

နည်းလမ်း ၁ – Campus ရုံးကား (ဖယ်ရီဝန်ဆောင်မှု)

ဝန်ထမ်းများ၏ ဘေးကင်းလုံခြုံရေးအတွက် ကားပေါ်မတက်မီ လက်ကို ပိုးသတ်သန့်စင်ရန်နှင့် ဖယ်ရီကားပေါ် ရှိနေချိန်တွင် လူတိုင်း နှာခေါင်းစည်းများကို အချိန်ပြည့်တပ်ဆင်ရန် လိုအပ်ပါသည်။ ထိုင်ခုံတန်း တစ်တန်းတွင် လူတစ်ယောက်သာထိုင်ခွင့်ရှိပါသည်။  စုစုပေါင်း ဝန်ထမ်းဦးရေ၏ ၅၀% ခန့်သာ ရုံးပြန်တက်မှာဖြစ်သည့်အတွက် ဖယ်ရီကားပေါ်တွင် အချင်းချင်းခပ်ခွာခွာနေရန် လုံလောက်သည့် နေရာထိုင်ခုံများရှိမည်ဖြစ်ပါသည်။ ဖယ်ရီကားများကိုလည်း အသုံးမပြုခင်နှင့် အသုံးပြုပြီးတိုင်းတွင် ပိုးသတ်သန့်ရှင်းရေးများကို စနစ်တကျ ပြုလုပ်ထားပါသည်။

နည်းလမ်း ၂ – Yoma CarShare မှ ကားငှားရမ်းခြင်း

ရုံးကို ကိုယ်တိုင်ကားမောင်းပြီး လာချင်သူများအတွက် YomaCarShare မှ ကားငှားခကို တစ်နာရီလျှင် အနည်းဆုံး ကျပ်ငွေ ၂,၄၈၀ မှစ၍ ငှားရမ်းနိုင်ပါသည်။ YomaCarShare မှ ကားများကိုလည်း မကြာခဏ ပိုးသတ်သန့်ရှင်းရေးများ ပြုလုပ်ထားပါသည်။ အသေးစိတ်သိလိုပါက aung@yomafleet.comm သို့ ဆက်သွယ်မေးမြန်းနိုင်ပါသည်။

အချင်းချင်း ခပ်ခွာခွာနေခြင်း၊ နှာခေါင်းစည်း တပ်ဆင်ခြင်းနှင့် လက်မကြာခဏဆေးကြောခြင်းတို့ကို ပြုလုပ်ဖို့ မမေ့ကြရန် အသိပေးလိုပါသည်။

ရိုးမအုပ်စုအတွင်းရှိ ရုံးများအားလုံးတွင် အချင်းချင်းခပ်ခွာခွာနေစေရန်နှင့် ဘေးကင်းလုံခြုံမှုရှိစေရန်  အောက်ပါအချက်များကို လုပ်ဆောင်သွားရမည်ဖြစ်ပါသည်။

• ရုံးအတွင်းသို့ မဝင်ရောက်မီ ကိုယ်ပူချိန်တိုင်းရန်။

• အစည်းအဝေးခန်းများနှင့် ဧည့်ကြိုကောင်တာများတွင် လက်ဆေးရည်များ ထားရှိရန်။

• လုပ်ဖော်ကိုင်ဖက်အချင်းချင်း ၆ ပေအကွာမှနေ၍ ပြောဆိုဆက်ဆံရန်။

•အချင်းချင်းခပ်ခွာခွာနေစေရန် အလုပ်စားပွဲခုံအချို့တွင် အမှားသင်္ကေတများ ကပ်ထားရန်။

• ရုံးအတွင်း အချင်းချင်းခပ်ခွာခွာနေရန် အဆင်မပြေသည့်အချိန်များတွင် ဝန်ထမ်းများအနေဖြင့် နှာခေါင်းစည်း တပ်ဆင်ထားရန်။

• လုပ်ဖော်ကိုင်ဖက်များနှင့် အစည်းအဝေးခန်းအတွင်း ရှိနေချိန်တွင် နှာခေါင်းစည်းတပ်ဆင်ထားရန်။

• ပန်းလှိုင်အိမ်ရာနှင့် စတားစီးတီးအိမ်ရာအတွင်း ဝင်ရောက်သူများအား ကိုယ်ပူချိန်တိုင်းခြင်းကို ဆက်လက်လုပ်ဆောင်သွားရန်။

အားလုံးဘေးကင်းလုံခြုံစေရန်အတွက် နေ့လည်စာစားချိန်အတွင်း လိုက်နာကျင့်သုံးရမည့် စည်းကမ်းချက်များကိုလည်း ထုတ်ပြန်ထားသည့်အတွက် အားလုံးကို လိုက်နာကြစေလိုပါသည်။ စည်းကမ်းများကို လိုက်နာမှသာ ယခုကပ်ဘေးရောဂါကို ကျွန်တော်တို့အားလုံး အတူ ကျော်ဖြတ်နိုင်မှာဖြစ်ပါသည်။