Blog

ရိုးမလုပ်ငန်းစုအနေဖြင့် မိမိဝန်ထမ်းများအား ပန်းလှိုင်စီလုံဆေးရုံကို ဦးစားပေး အသုံးပြုစေချင်သော်လည်း မဖြစ်မနေ လုပ်ဆောင်ရမည်ဟု မဆိုလိုပါ။ ကုမ္ပဏီအနေဖြင့် ဆေးကုသမှုကုန်ကျစရိတ်အတွက် သတ်မှတ်ထားသည့် ပမာဏအတိုင်း ဝန်ထမ်းများအတွက် ပြန်လည်ထုတ်ပေးမည်ဖြစ်ပါသည်။

(၁) ဤမူဝါဒတွင် ဖော်ပြထားသည့် ခံစားခွင့်များသည် တစ်နှစ်ချင်းစီအပေါ်တွင် အခြေခံသည်။

(၂) ပြင်ပလူနာ ဆေးကုသမှုကုန်ကျစရိတ်အတွက် နှစ်စဉ် ဆေးကုသမှု ကုန်ကျစရိတ်၏ ၈၀% အထိကျခံပေးပြီး၊ တစ်နှစ်လျှင် အများဆုံး ကျပ်ငွေ ၃၀၀,၀၀၀ အထိ ပြန်လည်ထုတ်ပေးမည်ဖြစ်ပါသည်။ ဆေးကုသမှု ကုန်ကျစရိတ်များအပြင် လိုင်စင်ရဆရာဝန်မှ ညွှန်ကြားပေးသော ဆေးဝါးများ၏ ကုန်ကျစရိတ်အတွက်လည်း အကျုံးဝင်ပါသည်။

(၃) အတွင်းလူနာအဖြစ် ဆေးကုသမှုခံရပါက အောက်ပါအတိုင်း ပြန်လည်ထုတ်ပေးသွားမည်ဖြစ်ပါသည်။

• အတွင်းလူနာအဖြစ် ဆေးကုသမှုအတွက် ကျပ်ငွေ ၂,၀၀၀,၀၀၀ အထိကို ၁၀၀% အပြည့်ပြန်ပေးခြင်း။
• နောက်ထပ် ဆေးကုသမှုကုန်ကျစရိတ် ကျပ်ငွေ ၂,၀၀၀,၀၀၀ အတွက် ၅၀% ကို ပြန်ပေးခြင်း။

ဥပမာ ၁ - ဝန်ထမ်းတစ်ယောက်သည် အတွင်းလူနာအဖြစ် ဆေးကုသရာ စုစုပေါင်း ကျပ်ငွေ ၂,၅၀၀,၀၀၀ ကုန်ကျသည်ဆိုပါစို့။ ပထမကုန်ကျစရိတ် ကျပ်သိန်း ၂,၀၀၀,၀၀၀ အတွက် အပြည့်ပြန်ပေးပြီး ကျန်သည့် ကုန်ကျစရိတ် ကျပ်ငွေ ၅၀၀,၀၀၀ အတွက် ၅၀% ပြန်ပေးသည့်အတွက် စုစုပေါင်း ထောက်ပံ့ကြေးငွေ ကျပ်ငွေ ၂,၂၅၀,၀၀၀ ရရှိမည်ဖြစ်ပါသည်။

ဥပမာ ၂ - ဝန်ထမ်းတစ်ယောက်သည် အတွင်းလူနာအဖြစ် ဆေးကုသရာ စုစုပေါင်း ကျပ်ငွေ ၄,၅၀၀,၀၀၀ ကုန်ကျသည်ဆိုပါစို့။ ပထမကုန်ကျစရိတ် ကျပ်သိန်း ၂,၀၀၀,၀၀၀ အတွက် အပြည့်ပြန်ပေးပြီး ကျန်သည့် ကုန်ကျစရိတ် ကျပ်ငွေ ၂,၅၀၀,၀၀၀ အတွက် ၅၀% ကျပ်ငွေ ၁,၂၅၀,၀၀၀ အစား ကျပ်ငွေ ၁,၀၀၀,၀၀၀ ပြန်ပေးမည်ဖြစ်ပြီး စုစုပေါင်း ထောက်ပံ့ကြေးငွေ ကျပ်ငွေ ၃,၀၀၀,၀၀၀ ရရှိမည်ဖြစ်ပါသည်။ (မှတ်ချက်။ ကျပ်သိန်း ၃,၀၀၀,၀၀၀ ဖြင့် ကန့်သတ်ထားသည်။)

ပြောင်းလဲသတ်မှတ်လိုက်သော ဆေးကုသမှုဆိုင်ရာအကျိုးခံစားခွင့်အား ၁ ရက်၊ ၁ လ၊ ၂၀၂၄ မှ စတင်၍ အကျုံးဝင်မည်ဖြစ်သည်။

ဆေးကုသမှု ထောက်ပံ့ကြေးများသည် အောက်ဖော်ပြပါ ကိစ္စရပ်များကြောင့် အတွင်းလူနာ၊ ပြင်ပလူနာအဖြစ် ကုသမှုခံယူခြင်းများအတွက် အကျုံးမဝင်ပါ။

• သားဖွားမီးယပ်
• ပလတ်စတစ် ဆာဂျရီ ခွဲစိတ်ပြုပြင်ခြင်း
• သွားဘက်ဆိုင်ရာကုသခြင်း
• အလှအပဆိုင်ရာကုသခြင်း
• အမြင်အာရုံဆိုင်ရာ ကုသခြင်း
• ယခင်ကတည်းမှ ရှိနေသည့် ရောဂါများကို ကုသခြင်း
• ရောဂါကြိုတင်ကာကွယ်ရန် ဆေးစစ်ဆေးမှုများ ပြုလုပ်ခြင်း

နာတာရှည်ရောဂါခံစားနေသူဖြစ်ပါက သက်ဆိုင်ရာမန်နေဂျာနှင့် ဌာနဆိုင်ရာ HR တို့ နှင့် တိုင်ပင်ဆွေးနွေးပါ။

ဆေးကုသမှုဆိုင်ရာမူဝါဒများကို အောက်ပါသတ်မှတ်ချက်များအတိုင်း ဆောင်ရွက်ရမည်ဖြစ်ပါသည်

ဆေးကုသမှုစရိတ်အတွက် ထောက်ပံ့ကြေး တောင်းခံခြင်းမပြုမီ ဤမူဝါဒ၏ စည်းကမ်းသတ်မှတ်ချက်များကို အပြည့်အဝ လိုက်နာဆောင်ရွက်ရန်လိုအပ်ပါသည်။

ထောက်ပံ့ကြေးတောင်းခံရန်လုပ်ငန်းစဉ်

၁။ ဝန်ထမ်းအနေနှင့် ဆေးကုသစရိတ် ငွေတောင်းခံလွှာပုံစံကို ဆရာဝန်၏ဆေးစာနှင့် ဆေးကုသမှု ကုန်ကျစရိတ်ဖြတ်ပိုင်းတို့ကို အတူပူးတွဲ၍ သက်ဆိုင်ရာ HR ဌာနသို့ တင်ပြတောင်းခံရမည်။

၂။ HR ဌာနမှ ဘဏ္ဍာရေးဌာနနှင့် စစ်ဆေးအတည်ပြုခြင်း လုပ်ငန်းစဉ်များကို ဆက်လက်ဆောင်ရွက်သွားပါမည်။

၃။ ဆေးကုသစရိတ် ငွေတောင်းခံလွှာပုံစံကို ဆေးကုသမှု ကုန်ကျစရိတ်ဖြတ်ပိုင်းတွင် ဖော်ပြထားသည့် နေ့မှစ၍ ရက်ပေါင်း (၃၀) အတွင်း ကုမ္ပဏီထံ ပေးအပ်လျှောက်ထားရန်လိုအပ်ပြီး ပြေစာများ၊ ဆေးမှတ်တမ်းများ အစရှိသည့် မူရင်းအထောက်အထားများကိုလည်း ပြည့်စုံစွာ ပူးတွဲတင်ပြရန်လိုအပ်ပါသည်။

၁။ သတ်မှတ်ထားသော ပမာဏကို ကျော်လွန်နေခြင်း။

၂။ ကျိုးကြောင်းဆီလျော်မှုမရှိခြင်း၊ မလိုအပ်ခြင်း (သို့) ကုန်ကျစရိတ် အလွန်အကျွံများနေသည်ဟု ကုမ္ပဏီမှ သတ်မှတ်ယူဆထားခြင်း။

၃။ အတုအပပြုလုပ်၍ လိမ်လည်ခြင်း၊ မှားယွင်းစွာ တင်ပြခြင်း သိို့မဟုတ် အကျိုးဆက်တစ်ခုခုကို ဖုံးကွယ်ထားခြင်း။

၄။ သန္ဓေတားခြင်း၊ သားကြောဖြတ်ခြင်း(သို့မဟုတ် ပြင်ဆင်ခြင်း)၊ မျိုးစပ်ခြင်း၊ ယောကျ်ား သားကြောဖြတ်ခြင်း၊ လိင်မှတစ်ဆင့် ကူးစက်သည့် ရောဂါများ၊ လိင်အင်္ဂါပြောင်းလဲခြင်း (သို့) လိင်ပိုင်းဆိုင်ရာ ရောဂါအခြေအနေများကြောင့် ကုသမှုခံယူခြင်း။

၅။ မျိုးမပွားနိုင်ခြင်းဆိုင်ရာနှင့် ပက်သက်၍ ပြုလုပ်သည့် ဆေးစစ်ကုသမှုများ။

၆။ ကျောက်ကပ်ပျက်စီး၍ နာတာရှည်ရောဂါဖြစ်ခြင်း၊ ကျောက်ကပ်အလုပ်မလုပ်သဖြင့် ပုံမှန် (သို့) ရေရှည် ကျောက်ကပ်ဆေးရန်လိုအပ်ခြင်း။

၇။ အသက်အရွယ်အိုမင်းလာခြင်းကြောင့် ဖြစ်ပေါ်သည့် လက္ခဏာများ (သို့) ရုပ်ပိုင်းဆိုင်ရာ ပြောင်းလဲမှုများအတွက် ကုသမှုခံယူခြင်း

၈။ ပြဌာန်းထားသည့် ဆေးကုသမှုဆိုင်ရာ မူဝါဒ၏ သက်ဆိုင်ရာ ပထဝီဒေသ နယ်မြေ ပြင်ပတွင် ဆေးကုသမှုခံယူခဲ့ခြင်းကြောင့် စရိတ်ကုန်ကျခဲ့ခြင်း။

၉။ နှလုံးအတု ထည့်ခြင်းကြောင့် ကုန်ကျစရိတ်များ၊

၁၀။ ဆရာဝန်၏ ဆေးညွှန်းစာမပါဘဲ ဝယ်ယူခဲ့သည့် ဆေးဖိုးဝါးခများ။

၁၁။ ပုံမှန်သောက်နေကျဆေး၊ ရောဂါကာကွယ်ရန် သောက်သောဆေး၊ ကာကွယ်ဆေးထိုးခြင်းနှင့် ဆေးစစ်ခြင်းများအတွက် ကုန်ကျခြင်း။

၁၂။ အလှအပပြုပြင်ခြင်းဆိုင်ရာ ခွဲစိတ်ကုသမှု၊ ခန္ဓာကိုယ်မှအဆီပိုထုတ်ခြင်း၊ ယင်းသို့ပြုလုပ်ခြင်းကြောင့် ဆေးကုသမှုပြုလုပ်ရသည့် အကျိုးဆက်များ၊ ကို်ယ်အလေးချိန်ချခြင်း (သို့) ကိုယ်အလေးချိန်ဆိုင်ရာပြဿနာများ၊ စိတ်ရောဂါနှင့့် ဆက်စပ်သည်ဖြစ်စေ၊ ဆက်စပ်မှုမရှိသည်ဖြစ်စေ ပုံမှန်မဟုတ်သော အစာစားေ သာက်ခြင်းများ။ (မတော်တဆမှုတစ်ခုခုကြောင့် (သို့) ကင်ဆာရောဂါကြောင့် လိုအပ်သည့် ခွဲစိတ်မှုများမှလွဲ၍)

၁၃။ မတော်တဆမှုတစ်ခုခုကြောင့် (သို့) ဖျားနာခြင်းကြောင့်မဟုတ်ဘဲ မျက်စိ အမြင်အာရုံ အဝေးမှုန်ခြင်း၊ အနီးမှုန်ခြင်း (သို့) အခြားချွတ်ယွင်းချက်များအတွက် ခွဲစိတ်ကုသခြင်း။

၁၄။ လူအိုရုံ၊ Spa၊ ကျန်းမာရေးစင်တာ စသည်ဖြင့် ကျန်းမာရေးကုသစောင့်ရှောက်ပေးရန် အလို့ငှာ ဆေးရုံကဲ့သို့ ဖွင့်လှစ်ထားသည့်နေရာတစ်ခုခုတွင် မိမိနေအိမ်ကဲ့သို့ နေထိုင်ကာ ဆေးကုသသည့်အတွက် နေထိုင်ခနှင့် ဆေးကုသမှုအတွက် ကုန်ကျစရိတ် တောင်းခံခြင်း၊

၁၅။ စိတ်ပိုင်းဆို်င်ရာ (သို့) အာရုံကြော ဆိုင်ရာရောဂါကြောင့် စိတ်ရောဂါနှင့်သက်ဆိုင်သော ကုသမှုခံယူခြင်း၊ စိတ်ကုထုံးဖြင့် ကုသပေးသူ၊ စိတ်ပညာရှင်များနှင့် တိုင်ပင်ဆွေးနွေးခြင်း။

၁၆။ နျူကလီးယားလက်နက် (သို့) ကရိယာတန်ဆာပလာ (သို့) ဓါတုပစ္စည်း (သို့) ဇီဝဆိုင်ရာ ပစ္စည်းများ အသုံးပြုခြင်း (သို့) ဖြန့်ချိခြင်းတိုးကြောင့် ဖြစ်ပေါ်သည့် အကျိုးဆက်အတွက် တောင်းခံခြင်း နှင့် ကုသမှုခံယူခြင်း။

၁၇။ စစ်ပွဲ၊ ကျူးကျော်ခြင်း၊ ပြည်ပရန်ကျူးကျော်ခြင်း၊ အကြမ်းဖက်လုပ်ရပ်၊ ပြည်တွင်းစစ်ဖြစ်ခြင်း၊ ဆူပူအုံကြွခြင်း၊ တော်လှန်ရေးစစ်ပွဲ၊ ပုန်ကန်မှု၊ စစ်တပ်မှအာဏာသိမ်းခြင်း၊ လူထုအုံကြွမှု၊ အဓိကရုဏ်း စသည်တို့ကြောင့် ဖြစ်ပေါ်သည့် အကျိုးဆက်များအတွက် တောင်းခံခြင်း။

ဤအချက်ကို ကျန်းမာရေးကုသမှုဆိုင်ရာ ထောက်ပ့ံကြေး တောင်းဆိုခွင့်မရှိသော အချက်အဖြစ် ထည့်သွင်းသတ်မှတ်ထားရသည့် အကြောင်းမှာ အင်အားအသုံးပြုခြင်း (သို့) ရက်စက်ကြမ်းကြုတ်ခြင်း၊ တစ်ဦးတည်းဖြစ်စေ၊ အုပ်စုလိုက်ဖြစ်စေ၊ တစ်ဦးတစ်ယောက်တည်းမှ လုပ်ဆောင်သည်ဖြစ်စေ၊ အခြားအဖွဲ့အစည်း (သို့) အစိုးရ အဖွဲ့အစည်းကို ကိုယ်စားပြု၍ လုပ်ဆောင်ခြင်းဖြစ်စေ၊ နိုင်ငံရေး၊ ဘာသာရေး၊ အတွေးအမြင်၊ (သို့) အလားတူ ကိစ္စရပ်၊ အကြောင်းပြချက်များဖြင့် အစိုးရအဖွဲ့အစည်းကို လွှမ်းမိုးရန်ရည်ရွယ်ခြင်း (သို့) ပြည်သူလူထုအား ကြောက်လန့်အောင် လုပ်ဆောင်ခြင်းဖြစ်သဖြင့် အကြမ်းဖက်သည့် လုပ်ရပ်အဖြစ် သတ်မှတ်ထားခြင်းကြောင့်ဖြစ်ပါသည်။

ရိုးမလုပ်ငန်းအုပ်စုအနေဖြင့် ဝန်ထမ်းဆုံးပါးသွားလျှင် အနီးစပ်ဆုံးမိသားစုဝင် / စာရင်းဝင် အကျိုးဆက်ခံသူအား ထောက်ပံ့ကြေးငွေ ပေးအပ်ပါသည်။

• လုပ်သက် (၁၀) နှစ်အောက် - ၆ x နောက်ဆုံးရလစာ
• လုပ်သက် (၁၀) နှစ် အထက် - လုပ်သက်နှစ်ပေါင်း x နောက်ဆုံးရလစာ

သင့်လစာ၏ ၃ လစာအထိ ချေးငွေ ရရှိနိုင်ပါသည်။

တစ်နှစ်လျှင် အတိုးနှုန်း ၈.၅% ဖြစ်ပြီး လစဉ်ချေးငွေ လက်ကျန်ပမာဏနှင့် ချေးငွေကာလပေါ် မူတည်ပြီး တွက်ချက်မှာ ဖြစ်ပါသည်။ လျှောက်ထားခနှုန်း မရှိပါ။

မိမိသဘောတူညီထားသည့် လစဉ် ပြန်လည်ပေးသွင်းရမည့် ပမာဏကို သင်၏ ရိုးမဘဏ် SMART အကောင့်မှ ၁၂ လအတွင်း အလိုအလျောက် နှုတ်ယူသွားမှာ ဖြစ်ပါသည်။

• ချေးငွေ လျှောက်ထားရန် လျှောက်လွှာပုံစံကို Yoma Connect (//52.220.87.101) မှ ဒေါင်းလုပ်ဆွဲယူနိုင်ပါသည်
• ၂၀၂၀ ခုနှစ်၊ ဧပြီလ ၁ ရက်နေ့မှစ၍ လျှောက်ထားနိုင်ပါသည်။
• လျှောက်ထားပြီး ၂၄ နာရီ (ရုံးဖွင့်ရက် တစ်ရက်) အတွင်း အတည်ပြုပေးသွားမှာ ဖြစ်ပါသည်။
• အခြားအသေးစိတ် သိရှိလိုသည်များအတွက် YRL@yoma.com.mm သို့ အီးမေးလ်ပို့ မေးမြန်းနိုင်ပါသည်။

ရိုးမ၏ အရေးပေါ်ချေးငွေသည် ငွေကြေးအခက်အခဲကြုံနေရသည့် ဝန်ထမ်းများအား ကူညီပေးနိုင်ရန်အတွက် စီစဉ်ထားပေးခြင်းဖြစ်ပါသည်။ ချေးငွေလျှောက်ထားသည့် ဝန်ထမ်းများအနေဖြင့် လုပ်ငန်းစုတွင် နောက် ၁၂ လအထိ အလုပ်ဆက်လုပ်ရန် လိုအပ်ပါသည်။

• ရိုးမ၏ အရေးပေါ်ချေးငွေ ရယူမည့်ဝန်ထမ်းများ အနေဖြင့်
• အမှန်တစ်ကယ် ငွေကြေးအခက်အခဲနှင့် ရင်ဆိုင်နေရသူများသာ ချေးငွေရယူရန်
• ချေးငွေကို ၁၂ လအတွင်း ပြန်ပေးဆပ်ရန်
• ချေးငွေထုတ်ယူထားသည့်ဝန်ထမ်း အလုပ်မှရပ်နားပါက အတိုးနှုန်း ၈.၅% ဖြင့် အပြည့်ပြန်ပေးဆပ်ရန်
• အလုပ်ထွက်ပြီးနောက်ပိုင်း ချေးငွေကို ရိုးမဘဏ်နှင့်ချိတ်ဆက်၍ ဆက်လက်ရယူထားမည်ဆိုပါက ပုံမှန်အတိုးနှုန်း ၁၄.၅% ဖြင့် သတ်မှတ်သွားရန်

ဤမူဝါဒသည် ရိုးမအုပ်စုတွင် အနည်းဆုံး တစ်နှစ်ကြာ တာဝန်ထမ်းဆောင်ပြီးသော အချိန်ပြည့် ဝန်ထမ်းများအားလုံးအတွက် အကျုံးဝင်ပါသည်။

ကုမ္ပဏီမှ သင်တန်းစာရင်းပေးသွင်းကြေး နှင့် / သို့ စာမေးပွဲဖြေဆိုကြေးများကို သတ်မှတ်ထားသည့် ပမာဏအတိုင်း ဝန်ထမ်းထံ ပြန်လည်ပေးအပ်သွားမှာဖြစ်ပါသည်။

• ဖွံ့ဖြိုးတိုးတက်ရေးဆိုင်ရာ သင်တန်းများနှင့် ဒီဂရီ/ ဒီပလိုမာသင်တန်းများသည် ဝန်ထမ်းနှင့် ကုမ္ပဏီ ဖွံ့ဖြိုးရေးအတွက် လိုအပ်သည့် သင်တန်းမျိုးဖြစ်ရပါမည်။
• (နှစ်စဉ် / အသင်းဝင်ခွင့်နှင့် စာမေးပွဲ) ကြေးများအတွက် ကုန်ကျစရိတ်များကို တောင်းခံလိုသော ဝန်ထမ်းများအနေဖြင့် မိမိ၏ လုပ်ငန်းဌာနခေါင်းဆောင်မှ သဘောတူ လက်မှတ်ရေးထိုးထားသည့် ဖွံ့ဖြိုးတိုးတက်မှုဆိုင်ရာ လျှောက်လွှာဖောင်ကို မဖြစ်မနေ တင်ပြရန်လိုအပ်သည်။
• ကုမ္ပဏီသည် နှစ်စဉ် / စာရင်းပေးသွင်းကြေးများနှင့် စာမေးပွဲဖြေဆိုကြေးများကို အောက်ပါအတိုင်း ကျခံပေးသွားမှာဖြစ်ပါသည်။
• ကုမ္ပဏီသည် နှစ်စဉ် / စာရင်းပေးသွင်းကြေးများကို တစ်နှစ်လျှင်အများဆုံး အမေရိကန်ဒေါ်လာ ၁၀၀ အထိ ပံ့ပိုးပေးမှာဖြစ်ပါသည်။ ပညာရေးတိုးတက်စေနိုင်သည့် အခါမျိုးတွင်သာ ထပ်မံစာရင်းပေးသွင်းခြင်းကို ထည့်သွင်းစဉ်းစားမှာဖြစ်ပါသည်။
• ဝန်ထမ်းသည် စာမေးပွဲကို အောင်မြင်စွာဖြေဆိုနိုင်မှသာ စာမေးပွဲကြေးကို အောက်တွင်ဖော်ပြထားသည့် ပမာဏအတိုင်း ကုမ္ပဏီမှ ပြန်လည်ပေးမှာဖြစ်ပါသည်။

အကယ်၍ စာမေးပွဲကြေးသည် မြန်မာကျပ်ငွေနှင့်ဖြစ်နေပါက သတ်မှတ်ထားသည့် ပမာဏအတိုင်း အမေရိကန်ဒေါ်လာအဖြစ် ပြောင်းလဲသတ်မှတ်ပါမည်။

ငွေလဲလှယ်နှုန်းထားကို ဝန်ထမ်းမှ လျှောက်လွှာဖောင် ပေးအပ်သည့်နေ့စွဲ၏ နှုန်းထားအတိုင်း တွက်ချက်မှာဖြစ်ပါသည်။

1. ဖွံ့ဖြိုးတိုးတက်ရေးလျှောက်လွှာဖောင် (ဖောင် A) တွင် သင်တန်းအချက်အလက်များကို ဖြည့်စွက်ပြီး သက်ဆိုင်ရာစာရွက်စာတမ်းများကို စုဆောင်းပါ။
2. လုပ်ငန်းဌာန၏ ခေါင်းဆောင် အကြီးအကဲမှ အတည်ပြု လက်မှတ်ရေးထိုးထားသည့် ဖောင် A ကို သက်ဆိုင်ရာ HR ဌာနထံ ပေးအပ်ပါ။
3. နှစ်စဉ် / အသင်းဝင်ကြေးကို သတ်မှတ်ထားသည့် ပမာဏ အမေရိကန်ဒေါ်လာ ၁၀၀ အထိ တောင်းခံပါ။
4. စာမေးပွဲအောင်ပါက ဖွံ့ဖြိုးတိုးတက်ရေးလျှောက်လွှာဖောင် (ဖောင် B) နှင့် သက်ဆိုင်ရာ စာရွက်စာတမ်းများကို သက်ဆိုင်ရာ HR ဌာနထံ ပေးအပ်ပြီး စာမေးပွဲကြေးအတွက် ပြန်တောင်းပါ။

အချင်းချင်းချိတ်ဆက် ဆက်သွယ်ရေးသည် ကျွန်ုပ်တို့လုပ်ငန်းစု၏ လုပ်ငန်းခွင်ပတ်ဝန်းကျင်အတွက် အရေးကြီးသော အစိတ်အပိုင်း တစ်ခုဖြစ်ပြီး ကျွန်ုပ်တို့၏ နေ့စဥ်လုပ်ငန်းတာဝန်များ ဆောင်ရွက်ရေးအတွက်လည်း အထူးအရေးကြီးပါသည်။

Campus ရှိဝန်ထမ်းများအတွက် တယ်လီဖုန်းဝန်ဆောင်မှု (၃) မျိုး ရှိပါသည်။

1. Yoma Social Chat
2. Cisco VoIP phones
3. Mobile

ဝန်ထမ်းများ လုပ်ငန်းခွင်အတွင်း အချင်းချင်းဆက်သွယ်ရာတွင် လုပ်ငန်းခွင်သုံး Yoma Social chat ကို အသုံးပြုရန် တိုက်တွန်းပါသည်။ ၎င်းတွင် လုပ်ငန်းပိုင်းလိုအပ်ချက်များအရ ဗီဒီယိုခေါ်ဆိုမှု၊ ဖုန်းခေါ်ဆိုမှုတို့ကို ပြုလုပ်နိုင်မှာ ဖြစ်ပါသည်။

Cisco VoIP ဖုန်းများကို နိုင်ငံရပ်ခြားဖုန်းခေါ်ဆိုမှု လိုအပ်သူများအတွက် သီးသန့်ထားရှိပါသည်။ ဆိုလိုသည်မှာ Campus ရှိ Cisco ဖုန်းအများစုကို ပြန်လည်ဖယ်ရှားပြီး မန်နေဂျာများ၏ ခွင့်ပြုချက်ဖြင့်သာ ပြန်လည် နေရာချထားပေးမည် ဖြစ်သည်။

ဝန်ထမ်းများအားလုံးသည် ဖုန်းထောက်ပံ့ကြေးအစား Telenor Postpaid Package Plan ကို သုံးစွဲစေမည် ဖြစ်သည်။ ၎င်းသည် လက်ရှိ ဖုန်းထောက်ပံ့ကြေး ခံစားခွင့်အားလုံးကို အစားထိုးသွားမည်ဖြစ်သည်။

ယခုဖော်ပြပါ မူဝါဒသည် Campus တွင် ရုံးထိုင်သည့် ဝန်ထမ်းများအားလုံးနှင့် သက်ဆိုင်ပါသည်။

• Group HR မှ ဖုန်းထောက်ပံ့ကြေး ခံစားခွင့်များကို ဝန်ထမ်းရာထူးနေရာပေါ်မူတည်၍ ပြောင်းလဲခြင်းများကို Telenor နှင့် ချိတ်ဆက်ဆောင်ရွက်မည်ဖြစ်သည်။
• Group IT သည် Cisco ဖုန်း အသုံးပြုရန် လိုအပ်သည့် ဝန်ထမ်းများအတွက် စီစဥ်ဆောင်ရွက်ပေးရန် တာဝန်ရှိပါသည်။
• လုပ်ငန်းဌာနအသီးသီးရှိ ငွေစာရင်းဌာနသည် ဝန်ထမ်းများမှ လုပ်ငန်းလိုအပ်ချက်အရ အသုံးပြုသည့် တယ်လီနောဖုန်း လစဥ်အသုံးပြုမှုအတွက် ငွေပေးချေရန် ဆောင်ရွက်ပေးရမည်ဖြစ်ပြီး ဝန်ထမ်းများသည် မိမိတို့၏ ကိုယ်ရေးကိုယ်တာအတွက် တယ်လီနောဖုန်း အသုံးပြုရန် လိုအပ်ပါက Scratch cards ( Topped up card ) များကို အသုံးပြုနိုင်ပါသည်။

အလုပ်အကိုင်ရာထူးအလိုက် Postpaid plan ထောက်ပံ့ကြေးများ

သတ်မှတ်ထားသည့် ခံစားခွင့်များ

ဝန်ထမ်းများ  လိုက်နာရန် အကြံပြုချက်

• ကုမ္ပဏီမှ ပေးအပ်ထားသော ဖုန်းများကို လုပ်ငန်းလိုအပ်ချက်အတွက်သာ အသုံးပြုရန်နှင့် ကောင်းမွန်ရိုသေစွာ ထိန်းသိမ်းရန်။
• စာတိုပို့ခြင်း၊ ဖုန်းပြောခြင်းနှင့် အင်တာနက်အသုံးပြုခြင်းတို့ကို လိုအပ်မှာသာ လုပ်ဆောင်ရန်။
• လိုအပ်ပါက ဖုန်းများကို အသံပိတ်ထားရန် (သို့) ပါဝါပိတ်ထားရန်။
• အလုပ်ချိန်အတွင်း ဖုန်းပြောပါက မိမိလုပ်ဖော်ကိုင်ဖက်များအား အ‌‌‌နှောက်အယှက်မဖြစ်စေရန် ဖုန်းကို ညှင်သာစွာပြောဆိုရန်။ Campus ရှိ အလွှာတိုင်းတွင် သီးခြားဖုန်းပြောနိုင်ရန် ပြုလုပ်ထားသည့် (phone booth) များကို လိုအပ်သလိုအသုံးပြုရန်။
• အစည်းအဝေးပြုလုပ်နေစဥ်အတွင်း ဖုန်းဖြေဆိုခြင်းများသည် အခြားသူများကို စိတ်နှောက်အယှက်ဖြစ်စေကာ လေးစားမှုမရှိသည့်သဘောကို သက်ရောက်စေသဖြင့် ဖုန်းဖြေဆိုခြင်းများကို ရှောင်ကြဥ်ရန်။

ဝန်ထမ်းများအနေဖြင့် အောက်ပါတို့ကို မပြုလုပ်ရန်

• အလုပ်ချိန်အတွင်း ဆဲလ်ဖုန်းဖြင့် ဂိမ်းကစားခြင်း
• ဖုန်းကင်မရာ (သို့) မိုက်ခရိုဖုန်း ကိုအသုံးပြု၍ လျှို့ဝှက်သတင်းအချက်အလက်များကို မှတ်တမ်းတင်ခြင်း
• ရုံးရှိ အင်တာနက်ကို အသုံးပြု၍ မသင့်လျော်သော၊ တရားမဝင်သော ၊ ညစ်ညမ်းသော အရာများကို ဒေါင်းလုဒ်ဆွဲခြင်း တင်ခြင်းများကို ပြုလုပ်ခြင်း

လုပ်ငန်းခွင်အတွင်း ဆဲလ်ဖုန်းကို စနစ်တကျအသုံးပြုနည်း

ဝန်ထမ်းများသည် ဆဲလ်ဖုန်းကို အကျိုးရှိစွာအသုံးချနိုင်ပါသည်။ အောက်ပါလိုအပ်ချက်များအတွက် အလုပ်ချိန်အတွင်း ဆဲလ်ဖုန်းများကို အသုံးပြုခွင့်ပေးထားပါသည်။

• လုပ်ငန်းကိစ္စ အတွက်သာ ခေါ်ဆိုမှုပြုလုပ်ရန်
• လုပ်ငန်းအတွက် လိုအပ်သော မိုဘိုင်လ်း apps များကို အသုံးပြုရန်
• အရေးကြီးမက်ဆေ့ချ်များကို စစ်ဆေးရန်
• ကိုယ်ရေးကိုယ်တာ ခေါ်ဆိုမှုများကို လုပ်ဖော်ကိုင်ဖက်များ၏ အဝေးတွင်ပြုလုပ်ရန်

ကုမ္ပဏီမှ ကြိုတင်အကြောင်းကြားမှုမရှိဘဲ မူဝါဒကို လိုအပ်သလို ပြင်ဆင်ခွင့်ရှိသည်။